LÓPEZ BUENO REÚNESE COA SUBDELEGADA DO GOBERNO, MAICA LARRIBA, PARA INTERESARSE POLO ESTADO DA VARIANTE

Larriba explica que esta demanda histórica de A Estrada continúa paralizada pendente de trámites da Xunta de Galicia

O alcaldable lamenta que “a pesar de presumir de contar co apoio máximo da Xunta, López Campos non conseguiu axilizar a construcción dunha demanda histórica para os estradenses”

A Estrada, 21 de maio de 2019- A subdelegada do Goberno na provincia de Pontevedra, Maica Larriba, mantivo esta tarde unha reunión co candidato socialista á alcaldía de A Estrada, Luis López Bueno, a petición deste, para informarlle do estado da variante.

Neste encontro Larriba explicou que o Goberno Central continúa sen poder iniciar a obra ante a demora da Xunta de Galicia en elaborar a nova Declaración de Impacto Ambiental, insistindo en que sen este documento da Subdirección Xeral de Patrimonio o Estado non pode facer nada.

López Bueno agradeceu a Larriba a súa visita e as súas explicacións, e lamentou que “a pesar de levar oito anos presumindo de contar co apoio máximo da Xunta, López Campos non conseguiu axilizar a construcción dunha demanda histórica para os estradenses”.

“Eu presionarei á Xunta, que en 2020 estará presidida por Gonzalo Caballero, para que axilice os trámites necesarios para a construcción da variante, e para que remate dunha vez por todas a Autovía Santiago-A Estrada, que é da súa competencia” sentenciou o alcaldable socialista.

Esta entrada ha sido publicada en Candidatura, eleccións municipais, estrada, Luis López Bueno y etiquetada como , , , , , , , , . Guarda el enlace permanente.