O PSOE DA ESTRADA CRITICA A DEIXADEZA DO GOBERNO RESPECTO DAS FEIRAS DOS MÉRCORES NA ESTRADA

López Bueno: “Cómpre tomar medidas de dinamización, xa que é un importante atractivo para os consumidores e para o comercio”

A Estrada, 24 de setembro de 2019.- O PSOE da Estrada critica a deixadeza do Goberno municipal respecto da feira que se celebra todos os mércores na Estrada. López Bueno afirma que “durante a campaña electoral falamos con todos os actores, co resultado de que os veciños e veciñas quéixanse de que a feira xa non cumpre as súas expectativas e os feirantes notan menor afluencia de consumidores, polo que hai postos que xa abandonaron a feira, igual que acontece co Novo Mercado”. Puntualiza ademais que “o preocupante deste asunto é que o Concello está actuando como un convidado de pedra que ve como esmorece a feira sen tomar ningunha iniciativa para mellorar a súa situación, arrastrando dese xeito ao comercio local no seu conxunto”.

O voceiro do grupo socialista critica que “temos dous concelleiros que pola súa área de goberno, deberían estar en contacto neste tema (en referencia a Óscar Durán e Gonzalo Louzao –Promoción económica e Eventos e mercados-), e entre os dous son incapaces de traballar un plan encamiñado a devolverlle a vitalidade á feira”. Os socialistas entenden que é necesario “reunir aos feirantes e atender ás súas demandas, para así mellorar as súas condicións e atraer novos postos que chamen aos consumidores a volver á feira”.

Tamén lle estenden a situación ao Novo Mercado, López Bueno propón “elaborar un estudo comercial, da man de expertos da Dirección Xeral de Comercio, da Zona Franca de Vigo e dos comerciantes que asentados no edificio, e a partir de aí reformular o modelo do Novo Mercado con novos servizos e atractivos que o diferencien das grandes superficies”.

O líder dos socialistas considera “urxente” que se atallen os problemas da feira xa que “é un dos poucos atractivos comerciais que conservamos, e convén mantelo vivo mentres non exista un goberno que leve a cabo accións de maior calado en beneficio do noso tecido comercial”.

Esta entrada fue publicada en Candidatura. Guarda el enlace permanente.

Deja una respuesta

Tu dirección de correo electrónico no será publicada. Los campos obligatorios están marcados con *