O PSOE LAMENTA QUE O CONCELLO NON APOIE AOS COMERCIANTES NON ASOCIADOS A ACOE

López Bueno defende que a feira se financia con diñeiro do Concello e que a súa proposta contemplaba invitación para todos os comerciantes.

20 de agosto. O PSOE da Estrada denuncia que os comerciantes non asociados a ACOE non recibiron convite para a Feira de Oportunidades que se celebrará esta fin de semana. Luis López Bueno recorda que “a Feira é unha proposta que os socialistas puxemos encima da mesa nas reunións con grupos políticos e coas asociacións de Comerciantes, Empresarios e Hostaleiros feitas para propoñer medidas económicas para combater a crise da Covid-19”. Así mesmo lembra que na recente Mesa de Comercio, celebrada o mes pasado, a representante socialista (Amalia Lago) fixo novamente fincapé na necesidade de abrila a todos os comerciantes, e que o concelleiro de promoción económica reafirmou que así se faría.

O voceiro socialista lamenta que o goberno local “incumpra” os compromisos adquiridos nas reunións que mantivo co resto de forzas políticas e considera que “a crise económica está sendo igual para todos, por iso debería permitírselle a participación na feira a todos os comerciantes, sabendo ademais que o Concello financia gastos de organización deste evento de 3 días.

López Bueno afirma que “o Concello paga directa ou indirectamente os gastos da Feira” e considera “inxusto” que só se beneficien os comerciantes que forman parte de ACOE. Parécelle “totalmente normal” que os asociados leven a cabo iniciativas paralelas á celebración do evento, como as rifas de vales de compra e o reparto de merchandising, pero non ve “lóxico” que o goberno local exclúa a unha parte dos comerciantes.

Unha vez máis o Concello dicide poñerse de perfil e non impulsar, en igualdade de condicións para todos os comerciantes, a saída desta situación económica tan complicada”. O voceiro socialista argumenta que “o goberno local desvirtúa as propostas que buscan apoiar a todos por igual, preferindo descargar a súa responsabilidade de iniciativa e promoción económica da Estrada nos propios comerciantes afectados”.

Para os socialistas non é de recibo que o Alcalde López Campos e os seus concelleiros anuncien plans de recuperación tras a crise do COVID-19 impulsados polo Concello e despois non fagan nada, ou como neste caso só beneficien a algúns escollidos. “Onde están os famosos 4 millóns de euros que dixo o alcalde López Campos que ía poñer a disposición para reactivar a economía da Estrada?, acaso os comerciantes non asociados non tiveron perdas? Ou é que o Concello lles perdoa os impostos cando toca cobrar e por iso agora non os ten en conta?, preguntan retoricamente os socialistas.

Esta entrada fue publicada en Grupo Municipal, Luis López Bueno. Guarda el enlace permanente.

Deja una respuesta

Tu dirección de correo electrónico no será publicada. Los campos obligatorios están marcados con *